享樂烘焙

营业中

休息中

作为一枚社畜，食早餐系开展新一天嘅浪漫瞬间，要食得够便捷又要配得落一杯咖啡，可能大家会谂起某间快餐。我有时都会，但食得多总想有点新意，例如 享乐烘焙 嘅bagel！🤤我还算系bagel新手，容我用庸俗嘅目光介绍，佢满满诚意、五花八门嘅配搭真系非常高吸引力。依照之前经验，我对麻糬馅真系爱到要死，所以今次都买咗 抹茶味麻糬馅 仲有 芝麻擂沙。麻糬馅bagel用微波炉叮一叮，热得刚好就处于半溶状态，半烟韧半流心嘅状态配上茶味面包真系好好食。上次我食焙茶味，今次抹茶味，相对上前者好食啲，焙茶嘅香厚度十足，抹茶味稍为平面地浓苦了一点。另外芝麻擂沙算是一个新尝试。第一啖食包，味道似质感较实净、坊间面包舖细细粒𠮶啲麻糬波波。馅料方面原来真系似擂沙汤圆嘅芝麻砂糖，脆口偏甜，对于少吃甜嘅本人有点甜腻要喝一口咖啡调一调和。食紧嘅同时几个同事见到我食享乐嘅bagel，推介了下次一定要食蓝莓芝士bagel，还有方包都很不错。嗯，下个礼拜嘅早餐我有选项了。🙏🏽抹茶麻糬bagel卖相：⭐️⭐️⭐️⭐️味道：⭐️⭐️⭐️⭐️⭐️价钱：⭐️⭐️⭐️⭐️芝麻擂沙bagel卖相：⭐️⭐️⭐️⭐️味道：⭐️⭐️⭐️价钱：⭐️⭐️⭐️⭐️食完早餐就开工啦🫶🏽