凱逸餐室

营业中

休息中

好耐冇入元朗食嘢，经过元朗食街之一西菁街，啱啱揾到个停车位拍低，见到有间几光鲜嘅茶餐厅，马上试下。餐牌都系茶餐厅大路嘅选择，而是日晚餐都唔错，感觉比较抵，最后都掂左两个晚餐。例汤嘅份量好大，汤料亦多，感觉上唔会落好多味精。佢哋嘅是日蒸鱼餐都有好多唔同鱼（黄花/鲮鱼/䲝鱼）选择，但伙计建议我试吓煎封黄花鱼，条鱼都算大条，煎得好香脆，外脆内滑，基本上可以连骨都食埋，配合淡味嘅豉油十分之高水准。咸鱼鸡粒豆腐煲份量都算大，豆腐好滑好有豆味，咸鱼亦十分甘香，但又唔会太咸，有水准。冻奶茶亦有水准，唔会太甜，茶同奶比例均匀。