華御結

营业中

休息中

一直对日本饭团都有偏见, 以为只系一旧白饭包住少少配料, 但一次日本の旅改变咗我嘅想法。几年前一个人去日本旅行, shopping得太疯狂, 卡都碌爆埋, 最后果日只系剩返几百yen现金, 又冇人可以借钱, 唯有去便利店医肚。日本便利店选择十分之多, 有便当, 意粉, 炸鸡, 热狗等, 但最抵都系百零2百yen一个御饭团, 仲有好多味选择, 日本嘅饭团原来好好味, 返到香港我都食过好几间, 唯独华御结最有日本の味。今日lunch去咗南昌V Walk食饭, 见到地铁站一出新开咗华御结, 都忍唔住买返个饭团做下午茶, 华御结有好多经典口味嘅饭团, 今日我就试咗佢期间限定"冲绳风火腿扒玉子", 除咗有厚厚嘅火腿扒同日式厚玉子外, 仲有好特别嘅黑椒沙律酱, 简直醒神开胃, 下午茶食完充满精神继续开会。除咗日式御饭团, 华御结仲有好多日本甜品, 下次一定要买嚟做饭后甜品。