kikusan (已結業)

去完诚品想揾地方食lunch，咁岩见到呢间日本上海fusion嘅餐厅，感觉几特别， 环境亦都几优雅，而且可能因为巳经一点几嘅关系，唔驶点等位所以决定入去试下。我哋两个人，分别点左两份午餐set，每一份set都有一个小食同埋柚子蜜。点心小笼有一只小笼包同一只菠菜皮虾饺，小笼包皮薄汤好味，算系不过不失。而家菠菜皮虾饺就比较特别，佢系将菠菜加入左个皮到，而唔系饺入面加菠菜，所以一咬个饺巳经好有菠菜味，不过略嫌个皮唔够薄。寿司拼盘寿司都好新鲜，个人好喜欢个黑松露带子，黑松露同带子个味好夹好好味，唯独系d饭有d散。而个迷你kikusan卷就有少少失望，因为佢无左个海胆，所以只系普通呑拿鱼鱼子寿司。烧鳗鱼饭鳗鱼几好味，不过个鳗鱼汁无咩特别，唔算浓郁。Overall呢间餐厅都唔错，下次都会想再试下其他野食。