夢の丼 (已結業)

自从屯门线开通后，去土瓜湾就方便左，咁就可以去多d 呢区食下饭喇。呢日去土瓜湾探朋友，佢带左我去食梦の丼，原来呢间日本餐厅又几高质! 餐厅装修以木系为主, 几有日本风格, 令人感觉到舒服安静既感觉。朋友话呢间最出名系丼饭，就咁睇menu 既相，就拣左最吸引既梦の丼（$298)同花锦鱼生丼（$188)。两款丼都好有份量，饭本身已经用醋同酱油调好味，每款丼都有前菜及面豉汤附送。梦の丼系皇牌，亦都十款丼最高级的，品尝梦の丼前可以先饮用餐厅自家制既橙醋，甜酸味浓。梦の丼用料有三文鱼蓉、三文鱼子、 帆立贝、 牡丹虾 、海胆 、松叶蟹、 左口鱼边，食得出所有配料都好新鲜，当中帆立贝好鲜甜多汁，三文鱼蓉经炙烧过，半生熟状态口感就够丰富，而大只既牡丹虾肉质好爽同弹牙！而花锦鱼生丼就多款刺身集于一身，一次过食多款刺身就最满足，花锦鱼生丼有三文鱼、 白身鱼、 赤虾 、樱花虾 蟹膏豆腐、 青瓜 、甜蛋 、玉子渍、 松叶蟹 、蚬肉，款款都新鲜肥美，将玉子渍拌匀食，成个感觉更加香滑。一品料理方面我地最欣赏蟹皇酱烧蟹膏豆腐，经炙烧后散发著豆香味，入口好香滑，蟹皇酱同烧蟹膏咸香味重，点缀豆腐。矶烧北海道珍宝帆立贝大