鮨政 (已結業)

行完山拖住疲倦嘅双腿，应承肥髀一齐去食日本菜，呢间门面好四正，一贯日本人餐厅！7点去到，场内已9成满，店员好有礼问有无订位，因为无订位，佢望一望排板，话晚上8点交枱就得，坐在最近门口二人枱，枱与枱之间唔迫，浅木家私，白纸灯笼灯罩！光猛干净！因为我已食下午茶，唔太肚饿，所以各自拣啲喜欢嘅食物，食物好快到！飞鱼子军舰（$20）飞鱼子卜卜脆！紫菜好脆！拌埋子姜好味！香葱吞拿鱼细卷（$40）吞拿鱼肥美香滑，配埋紫茶香葱香口唔腻！蟹籽沙律（$45）够冻（连碟都冻），蟹籽卜卜脆，蟹柳丝唔假，沙律酱唔会太多，唔会浸晒啲材料，沙律菜爽脆！三文鱼亲子丼($98)餐具木砵好靓，三文鱼厚身肥美，三文鱼子胀卜卜，好饱满，白饭上有紫菜丝，增加白饭香味！子姜鲜嫩！好味！波子汽水（$20）够气好味！主要系为粒波子！面豉汤:够热，多葱香口，海带滑溜！唔会太咸！食物好味，摆盘靓！明显系日本人主理，店内亦有日本人客人，所以其中几个店员都识讲日本话！虽然爆场但唔嘈杂，店员有礼，我坐低之后，带我入座嘅店员更正话唔使急交枱了，上菜收碟都会问候一声！食得好舒心嘅一餐！