影片
更多
2018-01-07
119 浏览
同小朋友去和富公园玩，经过见到呢间串烧食堂，由于时间尚早，冇咩客，就去试下。铺头细细间，干净企理，墙上贴晒食物相，而且听侍应介绍，每日会有几款唔同食物做特价，梗系唔好蚀。见「酱油鱿鱼软骨」个名好特别，叫来试下，原来系鱿鱼眼附近，感觉似鸡软骨质感，但味觉上较为鲜甜，作为前菜加上少少咸既酱油，都好开胃。另叫左烧鸡泡鱼干，些少㶶㶶地，好香口又唔太干，点上沙律酱，阿仔几乎食晒成碟，佢话好似肉干甘，但好味啲。小朋友最中二玉子，所以叫左一串蜜糖玉子烧，好厚第既玉子，加上蜜糖，甜甜地好惹味，而且蛋味足又饱肚。鹿儿岛一口豚肉都好岩小朋友，肉嫩汁多。最特别系豚肉荔枝烧，薄薄豚肉包住粒荔枝，淡淡荔枝香渗入豚肉中，两者合二为一，荔枝减淡左豚肉既油腻感，豚肉吸收左荔枝香同汁，健康又好食。中二浓味既可以点上餐厅自制烧肉汁，但我觉得原汁原味最正。盐烧白鳝，肉厚又嫩滑，所以加上少少海盐好够鲜甜，入口肉质都弹牙。盐烧鲭鱼就冇咩特别。川式香烧原条大茄子，侍应好贴心问使唔使走七味粉，怕小朋友食唔到辣，好彩阿仔唔中二茄子。当茄子一上台，闻到浓郁孜然味，蒜香味加七味粉味，而且颜色上都好吸引，成仔茄子好大条，而且烧到岩岩好，肉
铺头细细间，干净企理，墙上贴晒食物相，而且听侍应介绍，每日会有几款唔同食物做特价，梗系唔好蚀。
见「酱油鱿鱼软骨」个名好特别，叫来试下，原来系鱿鱼眼附近，感觉似鸡软骨质感，但味觉上较为鲜甜，作为前菜加上少少咸既酱油，都好开胃。另叫左烧鸡泡鱼干，些少㶶㶶地，好香口又唔太干，点上沙律酱，阿仔几乎食晒成碟，佢话好似肉干甘，但好味啲。
小朋友最中二玉子，所以叫左一串蜜糖玉子烧，好厚第既玉子，加上蜜糖，甜甜地好惹味，而且蛋味足又饱肚。鹿儿岛一口豚肉都好岩小朋友，肉嫩汁多。最特别系豚肉荔枝烧，薄薄豚肉包住粒荔枝，淡淡荔枝香渗入豚肉中，两者合二为一，荔枝减淡左豚肉既油腻感，豚肉吸收左荔枝香同汁，健康又好食。中二浓味既可以点上餐厅自制烧肉汁，但我觉得原汁原味最正。
盐烧白鳝，肉厚又嫩滑，所以加上少少海盐好够鲜甜，入口肉质都弹牙。盐烧鲭鱼就冇咩特别。
川式香烧原条大茄子，侍应好贴心问使唔使走七味粉，怕小朋友食唔到辣，好彩阿仔唔中二茄子。当茄子一上台，闻到浓郁孜然味，蒜香味加七味粉味，而且颜色上都好吸引，成仔茄子好大条，而且烧到岩岩好，肉蓉好多，捞埋啲蒜蓉、七味粉一齐入口，好香嫩，正到不得了。
最后整左串日本迷你甜番薯同菠萝，菠萝多汁又爆甜。
张贴
