吉田舍料理

营业中

休息中

无得去日本旅行, 成日都想系香港寻找日本既味道, 最近就有日本朋友介绍我地去呢间位于尖沙咀既居酒屋, 平日夜晚未够7点上到去, 已经得返吧台, 果然大部分既都系日本人, 不停听到日文交谈既声音! - 鳗鱼玉子 ($120)呢个菜系menu上边见唔到, 不过我地一坐低就见到隔离个日本哥哥食紧, 叫野既时候即刻问下可唔可以叫. 鳗鱼好肥美, 衬埋玉子味道好夹! 我觉得比我系日本蓬莱轩食过既更加好食! - 吉列牛肉薯饼 ($70)容许词穷既我先大句一声, 真系好好食呀! 外皮超级松脆, 入边既薯蓉好滑好香! 无论就咁食, 配沙律酱定佢地既酱汁一样咁好食! - 盐烧𫚕鱼鲛 ($180)外皮烧到脆卜卜, 一夹开d 鱼油就浸晒出黎, 鱼油好香好浓, 食完之后个浸鱼味成晚都仲留系口入边! - 自家制日式风味汉堡扒 ($150+$40)其实本身就系比呢个汉堡扒吸引黎既, 块汉堡扒系佢地自家制既, 食得出同平时个d 好实的的既质地唔同, 肉味都好出. 美中不足既系上边既菇, 酒味太重, 重到有苦味! 另外, 汉堡扒无跟饭既, 如果想配饭一齐食就要另外嗌白饭（$40).