影片
更多
2024-07-08
334 浏览
一向对于黏立烟韧的食物无咩抗拒力😍，如珍珠呀，芋丸呀，糯米池之类。当然就唔少得日本嘅代表 – 蕨饼啦，对我嚟讲佢哋好相似，烟烟韧韧，但各有不同。所以唔觉意经过呢间新开的分店就忍唔住试下啦 (早一日到，完美地错过咗opening半价优惠😂)甘味处镰仓在 1991 年开业，至今已有 32 年历史，在日本拥有多达51间分店。屯门分店系香港第2间分店，装修就好日系风，色调温和。今次就试下蕨饼同埋个蕨饼特饮先。浅川园抹茶蕨饼特饮 ($55 大杯)选用微甘苦的无农药有机新潟铭茶，喝起嚟有些许甘味及微苦，不过对于我呢个深度抹茶嚟讲仲系唔够苦涩味😛。神来之笔系杯底的蕨饼，蕨饼放咗落抹茶度，有类似珍珠的效果，但又比珍珠软身；有啲似仙草，但又比仙草烟韧；加上微苦嘅绿茶中和咗蕨饼的微甜，配搭好合适👍 (如果抹茶可以更浓更好)。镰仓蕨饼配浅川园抹茶 (10个装) ($98)招牌名物为镰仓蕨饼，口感软糯弹牙而且入口即溶😋，虽然我都好钟意黄豆粉，但今次都系试左浅川园抹茶先。同样对我呢个喜爱苦涩抹茶味嘅人嚟讲，浅川园抹茶粉系未够苦涩回甘，但加埋蕨饼都系好食嘅，价钱上就略贵。总括嚟讲味道对我嚟讲就欠缺咗少许苦涩味，价
一向对于黏立烟韧的食物无咩抗拒力😍，如珍珠呀，芋丸呀，糯米池之类。当然就唔少得日本嘅代表 – 蕨饼啦，对我嚟讲佢哋好相似，烟烟韧韧，但各有不同。所以唔觉意经过呢间新开的分店就忍唔住试下啦 (早一日到，完美地错过咗opening半价优惠😂)
甘味处镰仓在 1991 年开业，至今已有 32 年历史，在日本拥有多达51间分店。屯门分店系香港第2间分店，装修就好日系风，色调温和。
今次就试下蕨饼同埋个蕨饼特饮先。
浅川园抹茶蕨饼特饮 ($55 大杯)
选用微甘苦的无农药有机新潟铭茶，喝起嚟有些许甘味及微苦，不过对于我呢个深度抹茶嚟讲仲系唔够苦涩味😛。神来之笔系杯底的蕨饼，蕨饼放咗落抹茶度，有类似珍珠的效果，但又比珍珠软身；有啲似仙草，但又比仙草烟韧；加上微苦嘅绿茶中和咗蕨饼的微甜，配搭好合适👍 (如果抹茶可以更浓更好)。镰仓蕨饼配浅川园抹茶 (10个装) ($98)
招牌名物为镰仓蕨饼，口感软糯弹牙而且入口即溶😋，虽然我都好钟意黄豆粉，但今次都系试左浅川园抹茶先。
同样对我呢个喜爱苦涩抹茶味嘅人嚟讲，浅川园抹茶粉系未够苦涩回甘，但加埋蕨饼都系好食嘅，价钱上就略贵。
总括嚟讲味道对我嚟讲就欠缺咗少许苦涩味，价钱上亦唔算得上优惠，但蕨饼就系有种吸引力吸引我再去，下次可以去试埋佢个日式风味的特色刨冰。
张贴
