翡翠拉麵小籠包 (已搬遷) 新店位置

个日本朋友由澳洲过o黎，话想系香港食下中国o野。我又唔想每一个菜解释佢知系咩，所以谂边到有日文餐牌o既地方。记得上次同朋友仔试过呢间，大家都觉得一般，但系就记得有日文，所以就决定去呢间。星期五晚，8 点半去到，要等10 个no, 大概20分钟左右。因为好多人，所以坐到好迫，同隔o黎张枱系唔够1 cm，好似同枱食饭咁。日本朋友点菜。蚝油煮荀 <--- 真系唔知佢会钟意食呢D ，几好食，甜甜地不太喊，但系无咩荀味。阳春捞面 <--- 无咩特别，白面一个，可能因为无汤，所以好烟UN。小笼包 <--- 好多汤，但系我觉得好油，日本朋友觉得好正，4 件一笼，佢食o左3件。但系因为份量好细，佢又大食，所以佢就唔够饱。再加叫煎三鲜水饺。个点餐小姐话要等15 分钟，我话无问题。但系等o左成20 分钟都无o黎，唔知日本朋友系咪太肚饿，不停举手问得末，搞到我好唔好意思。最后等o左30 分钟先o黎。我都系觉得好油& 只虾有少少霉。但系日本朋友可能太饿，咩都话好食。我就觉得好一般，但系日本朋友就话未食过咁好味o既小笼包。埋单$147。