三原 (已搬遷) 新店位置

《三原》由日籍主厨三原光史主理，据说他是日本领事前主厨，我们没有做太多资料搜集因为今次系日本同事推介。当日同家人一行四人，先试试lunch menu!订枱时需要先付订金，佢哋只有中国银行户口，不能转数快或者Payme，有少少唔方便，希望餐厅可以改善一下付订金方法。我哋全部都点了Set A，选择不同嘅主菜，包括A5熊本和牛薄烧和厚烧。值得一提的是师傅知道妈咪拣咗厚烧但不能食生，主动建议佢选薄烧，非常细心。首先上前菜: 沙律和蒸蛋。之后到鹅肝🤩，外脆内软，充满油香，配上蒜蓉多士和香甜黑醋，真系想食多一旧。是日海鲜系银鳕鱼，鱼肉好滑，鱼皮煎得香脆，最惊喜系个配料汁，带有松露香味，配埋底下嘅配菜，好好味！主菜薄烧和牛里面包裹著的不是其他餐厅常见的葱蒜，而是自家准备的配料。我要求3成熟，师傅火喉控制得宜，好好味。另外我都试左老公嘅厚烧和牛，5成熟，牛味浓，不过我个人偏好薄烧💕 配菜亦毫不吝啬，有芦笋、蕃薯同冬菇。最后配上炒饭，汤品。