味十味 (已結業)

好耐冇同我对面位朋友仔食饭，今晩我哋去咗由日本人开嘅餐厅食晚饭，好鬼期待啊，因为听闻好地道好正宗，所以我哋今晚就book咗枱喇。见餐牌上其实都有好多嘢食，唔知食乜好就唯有揾服务员推介一下啦。原来呢服务员嘅广东话都唔算好好，但好彩沟通得到，而且餐牌亦都有中文，佢指一指餐牌，我哋都知有咩好食喇。蕃茄洋葱沙律$98唔好睇佢平平无奇，番茄多汁又鲜甜，番茄切成片，非常多水，而底下系有洋葱，两者配搭很好，一定要一齐食。法式咖喱炸猪肉饭$136望一望餐牌先知，原来系法式咖喱，不是日式咖喱，唔怪得知个味道同平时有少少唔同啊。超多排猪排啊，有成五块，炸到好金㖞，望落都好吸引，只系靱左少少，如果腍啲就更加好。咖喱酱非常之浓郁，而且好浓稠，影出嚟既颜色，色泽好深好吸引。酱既味有少少酸，酸得嚟又辣辣地，有少少似日式咖喱又有少少唔似，几得意。珍珠米呢好饱满，本身已经好甘香，所以好好食。