炭火地雞 (已搬遷) 新店位置

一家比较特别嘅日本串烧小店，选用日本备长炭即点即烧，非常用心，鸡肉采用本地嘉美鸡，皮薄、骨细、肉质嫩滑、脂肪少、有鸡香味。一坐低店员会放一只正方形碟，碟上有柚子胡椒、一味唐辛子粉、日本黄芥末、柠檬同青柠，客人可以按喜好自己添加调味。我同朋友试咗多款串烧，师傅火候控制得好好，每款都锁住肉汁：-免治鸡肉棒-鸡爽肉-熟成鸡腿肉-甘口嘉美鸡全翼-牛舌-盐烧A4和牛三角腩-汁烧和牛牛肋肉-豚五花腩鹌鹑蛋比较推介嘅喺熟成鸡腿肉，外皮烧至非常香脆，带有鸡油脂香，肉质弹牙嫩滑；鸡爽肉系鸡嘅胃脏，入口非常爽脆，有嚼劲；甘口嘉美鸡全翼外皮炸至香脆香口，肉质鲜嫩美味。另外烟熏鸡火腿他他用咗日本真空直送可生食嘅鸡火腿，配搭生蛋黄、萝卜苗、子姜丝拌著吃，烟臐咸香味加上香浓蛋味，配搭特别，外面少见。浓香鸡汤素面有惊喜，汤底饮得出系鲜鸡熬制，有鸡香味，饮完完全唔口干，幼身嘅素面挂汁能力高，健康又好味。