梅丘壽司の美登利総本店 (雅蘭中心) (已結業)

今日同朋友去左旺角嘅分店，打算试吓香港嘅美登利寿司。相信去过日本嘅人都知道，日本嘅美登利成日都排晒长龙，我哋大概等左四至五张枱(2个人/晚市)，唔可以即日book位，要早至少一日book位。极上海胆寿司🍣味道系唔错嘅，但未去到好甘香，$88一件其实唔太值。三文鱼爱好者一定要食，可以试到唔同整法嘅三文鱼，最钟意就系饭同三文鱼嘅比例，饭唔会好多。觉得以后几好食，口感爽口，味道新鲜。特选寿司盛合，可以试到唔同嘅寿司。入边都有个海胆寿司，虽然无极上海胆寿司咁好食，但味道都唔错，佢冇咁浓味，系淡嘅海胆味。另外呢个盛合入边都有牡丹虾寿司，同埋鳗鱼寿司等，手卷系吞拿鱼。整体来讲，味道唔错，可以食到嘅款式都叫多，唯一不足之处就系手卷同军舰嘅紫菜好冧。总体嚟讲，味道唔够日本店好食，而且价钱都贵一倍，但味道比板长好。另外，牛油果海鲜沙律一定要食，性价比十分高，入面嘅刺身仲多个沙律菜，而且有唔同款嘅刺身可以食到。