天勝

营业中

休息中

今晚嚟到呢度，为嘅就系日本嘅味道，餐厅都好和风格局。侍应安排我哋坐入房仔，不过间房就要同另一枱嘅人一齐，有啲怪咁。叫咗樽北海道梅酒饮吓先，味道唔错㖞，够香梅味，又唔太甜。吞拿鱼蓉卷，鱼蓉好甜，不过饭就唔够实，比较松。鲭鱼棒冇得顶，原条鲭鱼半生熟，实在少有，鱼腹肉嫩鱼油香，醋饭系比普通嘅多一点点醋味。鱼背系最好食，比鱼腹系弹牙更有口感。辣味八爪鱼普通啦。蟹膏甲罗烧，蟹膏浓缩到不得了，香喷喷热辣辣，一啖之后满口都蟹膏。牛油炒鲍鱼，鲍鱼新鲜弹牙，比牛油包住一啖入口，两种味道好夹而又唔会抢走啲味。烧鸡软骨同鸡翼都系普通，鸡翼仲烧得比较差。面豉茄子，茄子肥美多汁，配上少少面豉佐酒小食。秋刀鱼，鱼皮都算有少少脆，鱼肉嫩香带少少鱼油。烧牛舌要烧得好食，唔系个个得，呢度真系掂，嫩到又咬得开，唔韧，仲要见到粉红色，就算放咗一阵，粉红色都冇啦，入口都唔韧嘅，冇得顶。最后食埋个蟹炊，蟹肉唔算多，汤水有啲清酒味，蟹味就唔算凸出，比较清。喺房仔每次要揾服务员都要起身行出去，呢点有啲改善空间，侍应服务都好好。