築地銀だこ (海之戀商場)

营业中

休息中

𠮶日去行Donki，行行吓有少少肚饿，就系food court叫咗啲嘢食。呢间舖系日本好多地方都有，我叫咗个set同朋友share，有四粒日式八爪鱼丸，大阪烧炒面同绿茶。八爪鱼丸整得几好，外脆内软，丸入面嘅八爪鱼粒都算多，充满蛋香嘅蛋黄酱同八爪鱼丸真系好夹。至于大阪烧都系日本传统嘅做法，个质感都整得够实，又唔会煎得太㶶，配埋木鱼丝同日式沙律酱食一流。个铁板烧炒面面质OK，但调味偏咸，佢有烟肉同蛋做𩠌，算有啲诚意，可惜个煎蛋煮过火，食落有啲老。饮品绿茶不过不失，略嫌绿茶粉落唔够，味道比较甜。