影片
更多
2018-01-20
124 浏览
日本嘅环境，文化，甚至系美食都一向系好多人向往嘅一件事，特别系佢嘅食物，除咗好食之外，放得非常之精致，卖相吸引。海蜇，海藻配上酸酸的味道，非常醒神开胃。前菜有甜蛋，烟鸭胸，日本柿饼，螺同埋黑豆。本身觉得个黑豆应该会冇乜味道，但系反而最突出系佢。味道甜甜地，而且有种独特嘅味道，质感就好似豆类嘅制品，令我食唔停口。好特别嘅一个日本梅子汤，一开盖闻落去就系紫苏叶嘅味道。我个人来讲真系对呢一种味道有啲抗拒。但系估唔到梅子汤加上紫苏叶之后呢一个配搭竟然有一种好舒适自然嘅感觉，系呢一刻我就在想饮多一碗。刺身用上深海池鱼，油甘鱼同中拖罗。特爱油甘鱼，新鲜，味甜，油脂比例刚好。即炸即食嘅天妇罗，除咗有常见嘅虾同埋鱼之外。佢仲会有特色嘅生蚝天妇罗，口感同埋啲味道都非常之特别，值得一试。另外仲要提提嘅就系佢附上日本嘅萝卜蓉，如果怕食天妇罗会比较容易上火嘅话，就记得配埋呢一个萝卜蓉一齐食。除咗炸物之外，仲会有烧烤物。入边会有长脚蟹，马贝同埋鱼。呢一个拉面又系一个餐嘅特色之处，佢用上非常之浓郁嘅汤底。配上幼身嘅拉面，每一条拉面上面都能充分挂上汤汁。用上宫崎同佐贺牛，薄片嘅口感更好，入口即溶，牛味香浓。烤成7分
海蜇，海藻配上酸酸的味道，非常醒神开胃。
前菜有甜蛋，烟鸭胸，日本柿饼，螺同埋黑豆。本身觉得个黑豆应该会冇乜味道，但系反而最突出系佢。味道甜甜地，而且有种独特嘅味道，质感就好似豆类嘅制品，令我食唔停口。
好特别嘅一个日本梅子汤，一开盖闻落去就系紫苏叶嘅味道。我个人来讲真系对呢一种味道有啲抗拒。但系估唔到梅子汤加上紫苏叶之后呢一个配搭竟然有一种好舒适自然嘅感觉，系呢一刻我就在想饮多一碗。
刺身用上深海池鱼，油甘鱼同中拖罗。特爱油甘鱼，新鲜，味甜，油脂比例刚好。
即炸即食嘅天妇罗，除咗有常见嘅虾同埋鱼之外。佢仲会有特色嘅生蚝天妇罗，口感同埋啲味道都非常之特别，值得一试。
另外仲要提提嘅就系佢附上日本嘅萝卜蓉，如果怕食天妇罗会比较容易上火嘅话，就记得配埋呢一个萝卜蓉一齐食。
除咗炸物之外，仲会有烧烤物。入边会有长脚蟹，马贝同埋鱼。
呢一个拉面又系一个餐嘅特色之处，佢用上非常之浓郁嘅汤底。配上幼身嘅拉面，每一条拉面上面都能充分挂上汤汁。
用上宫崎同佐贺牛，薄片嘅口感更好，入口即溶，牛味香浓。烤成7分熟，熟成度刚好。
整个餐都可以坐喺吧枱𠮶度，师傅嘅面前望住佢整，期待与满足嘅感觉，非言语间能体会到。
张贴
