影片
更多
2021-11-09
157 浏览
呢間拉麵店喺尖沙咀K11 Musea開嗰陣已經想試，而家沙田都有分店，喺正我樓下仲使諗嘅。聽聞日本店係米芝蓮餐廳，咁第一次就試吓佢嘅招牌「多賀野醬油拉麵」啦。食拉麵之前飲啖湯先，係走清淡路線嘅味道，有淡淡鰹魚香，又有雞湯微鹹，加埋醬油味，層次豐富但又唔會好重口味。同平時食開濃郁嘅豬骨湯拉麵有另一番風味，鍾意清淡口味拉麵嘅朋友仔會鍾意。之後試個麵，呢度餐牌冇得揀軟硬度，但我覺得個硬度係適中嘅。麵身偏幼，口感都煙韌，仲有少少麥香味，幾好。拉麵仲有兩塊大叉燒係最驚喜，真係超大塊，肥瘦適中，咬落好鬆化，唔係好柴或者成口油，女仔都啱食。仲點咗個蝦小食，份量以小食嚟講都ok，啲蝦唔會炸得太乾太油，脆卜卜咁送酒一流。呢餐都幾好食，不負米芝蓮餐廳之名，下次會再嚟試佢哋嘅沾麵。
聽聞日本店係米芝蓮餐廳，咁第一次就試吓佢嘅招牌「多賀野醬油拉麵」啦。
食拉麵之前飲啖湯先，係走清淡路線嘅味道，有淡淡鰹魚香，又有雞湯微鹹，加埋醬油味，層次豐富但又唔會好重口味。
同平時食開濃郁嘅豬骨湯拉麵有另一番風味，鍾意清淡口味拉麵嘅朋友仔會鍾意。
之後試個麵，呢度餐牌冇得揀軟硬度，但我覺得個硬度係適中嘅。麵身偏幼，口感都煙韌，仲有少少麥香味，幾好。
拉麵仲有兩塊大叉燒係最驚喜，真係超大塊，肥瘦適中，咬落好鬆化，唔係好柴或者成口油，女仔都啱食。
仲點咗個蝦小食，份量以小食嚟講都ok，啲蝦唔會炸得太乾太油，脆卜卜咁送酒一流。
呢餐都幾好食，不負米芝蓮餐廳之名，下次會再嚟試佢哋嘅沾麵。
张贴
