天丼

营业中

休息中

又系收工去屯门练箭前揾埋老友食晚餐，老友建议话黎呢间天丼食，睇返资料系专食天妇罗既餐厅，仲要系日本过江龙，咁一于黎试下啦。夜晚7点左右黎到唔洗排队，店面都唔算好细，都有十几张枱，格局都几有日本风味，餐牌食物款式唔算话特别多，离唔开都系天妇罗配饭或面或乌冬，主要都系炸野，桌上会有d调味料，落单用QR code，另外餐厅会免费供应热麦茶无限添饮，麦茶麦味好浓，我觉得几香几好饮。天妇罗荞麦冷面先讲讲面，面质地都唔错几爽口，跟埋个冻汤加d芥辣好夹，天妇罗有黑虎虾，蟹柳，莲藕，茄子同四季豆，天妇罗炸得都算刚刚好，不过上枱时未算系好热果只，整体上味道几唔错。浅草海老天丼老友拣既，有3只天妇罗虾，其他都系蔬菜类，米饭睇落唔似用珍珠米，老友话d天妇罗摆系饭上面搞到d炸物无咁香脆，影响左口感如果分开摆会好d。八爪鱼天妇罗另外加份小食，八爪鱼都几粗身，但无乜特别，我觉得普通啦。整体黎讲食物质素算是不错，高质又称唔上，好多日式餐厅都做到既水准，全部都香口野，不过选择就真系唔算多，主要食天妇罗，环境方面都几舒适，店员添茶都算几密几勤力，呢方面都唔错，价钱方面算是中规中矩啦。