三木日本料理 (已結業)

今日同女朋友行完k11附近就就揾野食，见到呢间日式放题+炉端烧就超有兴趣去试下。食物方面有一般既日式放题食物，另外2人一个日式烧烤炉，一set新鲜海鲜。刺身非常新鲜，做好食系油甘鱼同带子。寿司：竟然呢到有真海胆寿司任食。我同女朋友少试牛刀叫几件试下，新鲜wor, 虽然比不上日本的，但只是不会不新鲜。另类推介：黑松露油甘鱼寿司，火炙三文鱼寿司，火炙左口鱼寿司。串烧牛舌，好食，软硬适中。盐烧海虾，不过不失。一般放题都会面对既问题，就系海鲜既新鲜度，以海虾最严重。海虾上水后，一般都很快死及头部发黑。呢到既虾入口尚算新鲜。海鲜拼盘：非常新鲜配以炉端烧嘅方法嚟烧烤海鲜，就好似喺日本居酒屋到，烧新鲜海鲜黎食一样。自己控制火候非常好玩。不过好可惜，呢度就冇清酒任饮呢个option, 如果唔系就会有置身于日本居酒屋食嘢嘅感觉一样。总括而言，三木畀人嘅印象，就好似置身于日本居酒屋食嘢一样。呢到环境不错，地方不会太挤迫。