目利きの銀次Royal Grill (已結業)

香港有好多日本居酒屋都好好食，但通常开喺d较偏僻位置，呢间开喺moko呢大商场，价钱一定唔平，但质素都唔错，部分食物更加系加入香港流行元素！我地叫左个仲买人精选2人餐！头盘系银次海鲜沙律，沙律有好多鱼生，连埋柚子醋食，确实唔错！小食方面有炸鱼饼，本来无咩期望，但当我将佢连埋d美乃滋一齐食，又香、又好食！我一个人食左两块！不得了！但我全个餐最推介系呢个明太子煎蛋卷，蛋煎得好软滑，明太子好多，咬落去感觉好满足！之后就有刺身拼盘，我觉得刺身可以有更多选择！而且不是非常新鲜！最失望其实系个海胆汁烧蚝！其实系炸蚝先岩！因为个海胆汁味道好假！明显系沟出黎嘅！虽然香港好兴食海胆，但唔好乱黎！蚝系好大只好鲜味，但同介绍张相有好大出入啰！个炒饭系唔错，我好钟意珍珠米，有口感又好食，呢个饭好干爽，唔错！而饮品同甜品就不过不失啦！红豆年糕在咁多道菜后上，系几heavy！而饮品其实都系色素沟soda水，无特别，只系加入香港人喜爱的元素变可爱d姐！