Mo Mo Kushiage (已結業)

无得去日本，都要定时定候食下日本野！呢间日本居酒屋主打食烧物、串烧、炸野、当然唔少得饮酒！前菜：日本超甜蕃茄，自身的鲜甜味，乜都无落但食落好似水果咁甜。另外日本南瓜沙律、南瓜味浓而且甜味十足，食完好开胃。炸物拼盘：全部新鲜即炸，一上枱要先食炸蚝、因为会出水。另有炸青椒、炸天使虾，配埋佢个汁食，甜甜地，又够脆！食日本烧物一定要食甲罗烧，配埋饼配一齐食，个感觉系浓浓的虾膏系个口入面咁。炸黑毛猪，本身只猪食的饲料已经高人一等，所以肉质特别滑。最后黑松露炒午菌！黑松露味浓，菜炒到岩岩好，唔会过淋。