鳥匠

营业中

休息中

行完中环大馆去觅食, 见正门对面有间叫鸟匠的串烧店, 门面唔错就入去试试! Menu只有英文日文对照, 日本鸟即系鸡, 咁紧系以食鸡肉为主，仲系由日本师傅亲自主理，火喉控制得唔错。首先试下鸡翼、鸡润同鸡软骨，鸡翼烧得好香口，皮脆肉嫩， 鸡润好软绵，鸡软骨非常爽脆。然后到鸡汤卡邦尼乌冬，将鸡蛋拌匀鸡蛋，入口细滑香浓。烧豆腐同烧蛋卷都十分有惊喜。接著到稀有部位, 今次只有其中三款，全部都烧得好香脆，入口软嫩多汁，而鸡肾边就非常爽口。最后就系海胆三文鱼籽和牛, 和牛好肥美，入口即溶,，再加埋海胆同三文鱼籽，鲜味无穷，真系贵得有道理。再食埋甜品，呢餐十分满足。