元札幌拉麵 (宇晴軒商場) (已結業)

今日同朋友经过荔枝角，突然想食日本野，就黎试下！一入到黎，待应已经好贴心咁派左两个口罩俾我地。因为我地都算早，餐厅未有太多人，有卡位，都算阔落。见到menu都几得意，个套餐可以叫拉面再系每一个area配小食。我地叫左两个套餐。地狱拉面都几辣，但唔系果种成碗汤铺满辣油𠮶种辣，所以都ok。面质有口感，糖心蛋亦都几好食。樱花虾拉面d料同地狱拉面大同小异，系汤底清d,冇咁辣。啲樱花虾同干虾有啲似，咬落去脆脆地，捞埋啲面度几有口感。牛脷同埋鸡翼都意外中好食，牛舌系薄切，只系落咗小小盐都带到个牛肉味出嚟。鸡翼就烧到脆卜卜，咬落香甜又好味，我同朋友都系咁食。自家制手作饺子一般，正正常常。总括而言我觉得d野食价钱都合理抵食，系日本菜平食之选。