麵屋黑岩

营业中

休息中

平时都已经好钟意食拉面，每次经过见到呢间拉面店度都感觉好日本feel，好似好正宗咁，所以就今次入咗去试，入到去客人都唔少，好有期待，叫咗两个拉面同一个小食，一个系海老，一个系黑蒜，然后我哋追加左一只糖心蛋，一份炸鱿鱼，两个拉面到咗之后，黑蒜同幅相好似争少少🤔🤔🤔不过唔紧要，味道先系最重要呀嘛，食落去蒜头味唔唔会太重，汤底几浓郁，至于上面𠮶块日本叉烧，佢会俾你拣厚切定系火炙，我拣咗厚切，嚟到真系超级厚切，啖啖肉，不过肥肉比较多，但系整体都唔差，只于海老拉面，好香虾味，一样汤底好浓郁，应该都有虾汤嘅成份系入边，呢碗拣咗火炙日本叉烧，有烟熏嘅味道，亦都系唔太差，只糖心蛋出乎意料之外好味，真系流心之余蛋白亦都好入味👍🏻👍🏻👍🏻最后酥炸鱿鱼，不过不失。