元祖沾麵專門店

营业中

休息中

今日同朋友行完街经过见到依间拉面店觉得几吸引就入咗去试吓。铺面好大，有一人位，一个人食都冇问题。一坐落店员就会比热辣辣既绿茶。我就叫咗个黑蒜豚骨叉烧拉面（$88）。碗面大大碗，汤度唔会油亦唔会太咸。带有淡淡既黑蒜油味，有啲太重黑蒜味会冇哂豚骨味，但依间就唔会啦！食完成碗都唔会口渴。面质软硬度适中，唔会太硬亦唔会太淋。配咗四块叉烧，半个溏心蛋，大量木耳同笋。叉烧大大件，烧得好香，又唔会干，肥瘦度同厚度啱啱好。个溏心蛋好流心，正！下次有机会会再试下其他款。