水木日本料理 (已搬遷) 新店位置

今日又自己一个偷偷去左湾仔揾好野食。之前一直都已经好想试下呢间正宗既日本料理，因为屋企人去过都赞不绝口！其实下午要喺湾仔揾到一个地方系咁舒适同宁静去享受午餐绝对唔系容易嘅事。虽然地方系有少少隐蔽因为佢唔系地舖...但都唔算好难揾。餐厅嘅装修非常之简洁，地方好干净，眼见亦都几多日本人想去帮衬...心谂应该有品质保证。先睇睇个餐牌..虽然话下午都食百几蚊好似有点儿奢侈，但系可以食到有水准正宗嘅日本料理，其实价钱绝对唔系贵。食物材料真系好新鲜，平时唔系好食刺身嘅我都忍唔住要试一试，绝对值得推介。