里木

营业中

休息中

前几日公司发奖金俾每位员工，打算豪一豪佢，食餐劲嘅，所以就系网上揾啲高级餐厅，揾到呢间尖沙咀高级豪华嘅日本餐厅「里木」，真系好高级，不如就嚟体验一次豪华嘅日本料理。呢度真系太高级，平时应该唔系咁嚟，菜色同食材阵容睇住都非常豪华，可以享受一番。我呢度叫嘅系佢哋最豪华嘅「夏の海胆奢华体验」，一人1980蚊，食物阵容同套餐名一样，真系好奢华。入面嘅象拔蚌同粒贝真系好好食，问咗厨师入面粒贝配嘅系冲绳水云，口味好丰富。然后牡蛎嘅肉质好滑，开口入面仲有嚼头。牡丹虾配埋佢哋嘅海胆都系口味丰富，牡丹虾入口即化，然后海胆嘅鲜味好提起食欲。第一次食到鱼子酱，原来鱼子酱嘅味道咁鲜，边食再配个鱼汤，鲜上加鲜，味道真系好好。壳付原只海胆仲可以食到海胆最原始嘅味道，旁边仲有和牛海胆热狗，增添风味。密瓜嘅味道都非常甜。成个套餐体验落嚟真系有奢华嘅感觉，都系啲平时食唔到嘅高级嘢，下次仲会机会再嚟体验。