三笠屋 (已結業)

每年都会来庆祝圣诞节，人地食西餐我就食日本料理今次系第三次黎啦！每次都无令我失望。餐厅环境好舒服，如果坐到寿司吧枱，仲可以边食边睇师傅整寿司。我自己叫咗一个正常menu以外的纳豆海鲜丼，佢成个set除左个丼之外仲有蔬菜沙律，渍物，大根面豉汤同最正嘅茶碗蒸成个set当然要食茶碗蒸先啦，因为味道淡所以要先食，才可以品尝到佢真正嘅味道。个茶碗蒸清甜又够滑，似饮紧蛋汤多啲👍🏻👍🏻之后就忍不住要食个丼，对于喜爱纳豆嘅人呢个一定要试，但纳豆嘅味道唔系个个人都接受到嘅，order前要谂清楚。个丼入要有切碎的刺身，好甜的三文鱼子，纳豆已经同饭搞拌好，每一啖都食到全部材料，而纳豆同饭系绝配，令成个丼提升不少！另外男朋友叫左个半份乌冬寿司定食，个定食有5件寿司，沙律，渍物，细天妇罗同冷／热乌冬，呢间寿司的特点系唔系用白饭整，系香港比较少见。食哂成个SET 之后唔好咁快走住，仲有个好好味的云呢拿雪糕，食埋先系呢餐一个完美嘅句号。