石澗日本料理 (已結業)

今次试团购唔算好伏，但有反省，同大家分享下。朋友提议买呢个团购，团购介绍写到好吸引咁，话酒店级日式放题，谂住平平地试下。野食一般啦，款式选择唔算多，味道都系咁啦。前后两碟刺身，有少少求奇，刚送上黎系OK新鲜嘅，刺身都几厚切。但因为无冰底，刺身好快玩完。半个钟之后发生咩事，唔洗多讲。前后3 Round寿司都系OK嘅，一口大小易入口。军舰、鳗鱼寿司同花之恋都系唔错嘅，特别钟意鳗鱼芝士卷。团购客送嘅一人一件鹅肝多士，个人唔食鹅肝，但多士系几脆几好味嘅。盐烧鸡软骨正常，但部份烧得太㶶，带苦味。鸡翼又系㶶嘅...羊架都系㶶嘅...一口牛，算系比较好嘅出品，牛肉唔干，OK!盐烧牛舌配黑椒，不错吃。冻豆腐、炸生蚝、厚烧玉子正常同行嘅变态人狂叫炸物，真系唔怕食到喉咙痛，我只敢少试。天妇罗虾、蟹柳正常。忌廉薯饼唔错，够忌廉。一口芝士粒又几好味㖞，忌廉芝士炸左佢外脆内软。最爱嘅芝士年糕，烟韧年糕配爆浆芝士馅。香芋栗子饼又几好食，几香甜，有粒粒栗子，呢个有惊喜。团购客每人送一杯哈根大师，拣左最爱嘅士多啤梨味，呢个系全场嘅MVP。整体黎讲，野食系正常啦，寿司算唔错，系烧野唔太掂，件件都烧㶶。正价唔建议，有团购