麵屋豚豚拍子 x 辛味屋 (已結業)

今日同妈妈橕枱脚去食个lunch，大约12点到都已经有唔少人坐左系入面，有小小比较日式既卡位。食物方面妈妈叫左咖喱吉列猪扒乌冬，佢地系用赞岐乌冬，咖喱汤底唔算杰身，头一啖觉得味道刚好，连乌冬都吸到咖喱味，食多几啖就觉得唔够浓味。吉列猪扒炸得好脆，配上酸味较重既沙律酱，味道还可以。我就叫左烧牛肉盖饭，卖相同吉野家牛肉饭类似，牛肉份量不少，虽然肥瘦适中，但系口感好硬，酱汁都好淡，比较失色。2个定食都有碟粟米，加左小小芝麻酱，味道不过不失。