睿居酒屋 (已結業)

相约朋友到睿居酒屋食晚餐，试咗唔少嘢食。枝豆呢个前菜够爽甜。话说我劲蠢，前排仲以为啲皮都食得但咬唔烂。鳕鱼鱼干 $68鳕鱼够干身又够脆，食完有种日本居酒屋嘅感觉。鸡肉大葱 $38葱够清爽，鸡肉够嫩滑。白鳝 $68朋友中意食嘅鳝，有得点蛋浆食更滋味。蟹子忌廉芝士沙律 $108本身谂住食个健康嘅沙律，但系拣咗个有芝士嘅。虽然落芝士肥胖，但系好味！杂锦天妇罗 $288天妇罗摆盘好靓，只虾劲靓劲吸引。炸得好脆，虾食落好都好新鲜。仲有劲多蔬菜，南瓜同茄子都好好食。上杂锦寿司拼盘 $388 又系杂锦，呢个有八款精选寿司，我最钟意食甜虾寿司，北寄贝同帆立贝都好鲜甜。甜品超甜嘅蜜瓜同埋蛋糕俾我地食，真系赚晒。蛋糕个顶似焦糖布甸，个底有啲糖，但都唔够朋友咁甜美！借遮 人蠢，拎咗把遮出嚟都唔记得带出街，打算返到学校拎雨褛走又唔记得。咁啱朋友又冇带遮，我本身谂住又要喺朦胧夜雨里淋十五分钟雨（潇洒），店员好好人借咗把遮俾我哋。