嵐橋日本料理

营业中

休息中

今次嚟到尖沙咀想食日本嘢就试咗呢一间岚桥日本料理啦。入到去员工嘅服务好好，俾咗啲消毒湿纸巾同埋纸巾我哋，仲帮我哋斟茶。第一道菜叫左喜之次寿司同埋帆立贝寿司，之后叫咗两件大拖罗刺身及油甘鱼刺身，仲有一碟沙甸鱼，啲鱼生大大件，食落去真系好新鲜，食到我有种去咗日本海鲜市场嘅感觉，个沙甸鱼好特别，捞埋紫菜一齐食好有层次感。熟食方面叫咗明太子鸡串、鸡软骨同埋牛舌。三样都烧得啱啱好，唔会太干身，特别系牛舌，真系要赞一赞，烧得好好味有好香既牛味。之后，仲有叫埋关东煮，真系好有地道嘅感觉，每件关东煮都好入味，炆得好软身。最后，仲叫咗个野菜汤手打乌冬，好重酱油味。如果钟意食日本野既朋友，真系要黎食吓。