炭家 (已結業)

去日本嘅时候食过即㓥即烧嘅炭烧鳗鱼饭，风味十足，一试难忘！估唔到原来香港都有得食呀～餐厅由日本师傅主理，除咗鳗鱼菜式之外，仲有提供各类型嘅日式菜式。不得不提嘅仲有餐厅服务水平超高，每一个员工都超热心！令食客宾至如归，真系好似去咗日本咁样🇯🇵鳗鱼重$420可选择蒲烧或白烧鳗鱼，我就拣咗蒲烧，烧汁甜甜地好惹味！另外仲配配有茶碗蒸、小钵、日式清汤及白饭。鳗鱼即刻炭烧出来，散发微微炭香味，外皮脆，肉质软又唔会散，无腥味。落埋山椒粉就更加惹味！豚肉角煮$180豚肉加埋萝卜、荷兰豆、香菇，满满一大碗分量超多！索晒啲甜甜地嘅酱汁好入味。淡路洋葱串$40必食之选❤️我本来系唔钟意食洋葱嘅，但系呢个洋葱串真系超级无敌甜！未食过咁甜嘅洋葱啊🧅鳗鱼厚烧玉子$150玉子蛋香十足而且够晒滑溜，中间仲要包住鳗鱼添～和牛串$140肥瘦适中，牛味浓郁，好香口。鸡胸肉紫苏卷$50健康之选，紫苏叶味道好出～豚肉芦笋卷$50豚肉包住芦笋，呢个组合系绝配！好惹味白烧鳗鱼串$110皮脆肉嫩，我都系第一次食白烧，冇烧汁都一样咁香～鳗鱼肝串$150口感有少少似鸡肝，味道有少少甘～几特别。