牡蠣小屋

营业中

休息中

店家既主角系日本直送既新鲜生蚝，当然要品尝一下，order左两款生蚝。北海道真蚝($138)，size最大只，入口软滑，咬开后内里既蚝汁好似流心一样慢慢流出来，口感一流，但蚝味会淡一d。岩手悬蚝($108)，size较北海道蚝细小一d，但蚝既鲜味较突出，海水味亦较浓郁。日本产生蚝涮涮锅($480)，共有6只生蚝和鲜嫩配菜，先将配菜全部放入锅，待汤底沸腾后亦可以放蚝煮熟，只需10至30秒便可，不要放太耐，蚝既外形饱满，味浓，内里juicy。免治鸡肉($38)，鸡肉棒内里酿入左鸡软骨，食起上黎口感增加不小，蛋汁同样系精髓，令鸡肉质感更加滑。牛舌($48)，烧得岩岩好，唔会太韧，食落爽口弹牙，而且牛舌既香味重，仲有衬到绝既黑椒粒，橙红色既酱料系带微辣味道。十款盛合($268)，餐牌上不会列明有边十款寿司，原因系因应店家当天有咩上盛食材而去制作，等同厨师发办一样，十款寿司都好新鲜鲜味，我个人最钟意系牡丹虾和中拖罗寿司。