喜多嬉牡蠣屋 (已搬遷) 新店位置

今日特登嚟食牡蛎放题，每人先上头盘八寸喜多嬉九品，有日本直送象拔蚌刺身、喜多嬉牡蛎茶渍饭、二色烧活白鳗、天妇罗秋葵、手工月见烧鸟串、天妇罗紫苏叶吞拿鱼蓉、喜多嬉牡蛎刺身、时令沙律、日式渍物。头盘已经咁高质，即刻试埋佢哋啲生蚝同烧蚝。生蚝配上土佐酢啫喱、辣萝卜蓉和葱花，带出蚝鲜味，加上质地软滑。平时少食生蚝嘅我都食咗半打。串烧都好正，鸡肉皮脆多汁，七里香，脆而不油。MVP居然系牡蛎茶渍饭、汤手廷乌冬同捞乌冬。乌冬又滑又弹牙，蚝汤极浓蚝味。汤乌冬仲多咗一份鲣鱼味。午餐时段食一份都百几蚊，宜家系任食。