亀井鮨 (已結業)

系铜锣湾行完街，朋友推介去世贸3/F的《亀井鮨》食饭，佢地宜家全场食品有八折优惠，好抵食呀！《亀井鮨》系日本百年老店，今次呢间香港餐厅系佢地在海外第二间分店。餐厅主打寿司和刺身，食材除了由各地空运到港，仲会采购香港海鲜，食物都特别鲜!店舖装潢以木系和白色为主，有长吧枱和卡位，非常阔落，空间感十足。店员服务态度非常专业，有礼貌又殷勤，令你置身于日本用餐一样!极上寿司盛 $350 / 12贯寿司盛卖相好靓! 12贯包括有大鲔鱼腩、油甘鱼、深海池鱼、鲷鱼、左口鱼边、牡丹虾、帆立贝、三文鱼籽、日本海胆、穴子、玉子、鲔鱼蓉卷。每款寿司都好高质! 海胆甘香又creamy、牡丹虾弹牙又爽口、帆立贝软嫩鲜甜。鱼肉肉质厚切，脂肪比例均匀，有入口即融口感，又唔会有油腻感。三文鱼籽鲜甜又咸香、穴子绵腍香浓、左口鱼边微微火炙过鱼油特别浓香。特别喜欢佢地的鲔鱼蓉卷，用上五颜六色嘅芝麻洒面，非常吸晴仲充满芝麻香。特上刺身盛 $420江户前百年寿司店，食材新鲜有保证，当然要尝尝刺身啦！呢款特上刺身盛一共有八款，每款有两片，同朋友一人一件唔驶争。刺身有赤身、三文鱼腩、油甘鱼、鲷鱼、池鱼王、间八薄切、帆立贝和赤虾。赤虾