釜之魂釜飯專門店 (淘大商場) (已結業)

好耐无同屋企人一齐出去食返餐饭，今次去嘅系位于九龙湾淘大商场嘅釜之魂釜饭专门店，事缘我爸爸喺奈良食过釜饭后一齐难以忘记佢嘅美味，所以今次就去试试香港可唔可以食返日本嘅味道。喺门口时可以见到一只熊大派紧传单，好有谂头。掀掀menu，发觉入面食物大多数价钱都唔贵，所以我哋都好放肆咁叫咗好多嘢食。首先讲吓主角 —— 釜饭。我哋叫咗三个釜饭，分别系金魂蒲烧釜饭赘沢 $118、汁煮猪软骨釜 $78，以及汁烧牛肉釜 $58。加$18就可以转套餐，包前菜、面豉汤同饮品，饮品可以半价转特饮，我哋三个饭都加钱转咗套餐。另外加$18可以要埋茶渍饭，咁我哋都点了一份～金魂蒲烧釜饭有分几款，极 $98、赘沢 $118、特 $88，我哋拣嘅赘沢系最厚肉嘅，个釜饭嚟到嘅时候都不负众望，鳗鱼肉厚，亦烧得稍有焦香，肉质细嫩。虽然无叫到金魂嘅另外两款，无得比较，但呢个饭完全值$118嘅价钱！抵食！汁煮猪软骨釜嘅猪软骨非常入味，又有咬口，个酱汁好惹味，配埋釜饭嘅饭焦一齐食，好味🤤汁烧牛肉釜虽然系三款入面最平，但一啲都唔输蚀。牛肉内里仍然系嫩红色，烹调得刚刚好！牛肉本身嘅调味恰到好处，釜饭较淡味，更加注重肉平身嘅味道，呢个