Mo Mo Kushiage (已結業)

今日朋友带我黎试下依间店舖装修充满日式感觉既餐厅。一坐低，店员告知生啤做紧买1送1优惠，咁抵当然要叫返杯啦。叫完啤酒，当然叫返几款小食黎送酒。首先系日本赤崎真蚝，生蚝超级新鲜，好大只而且肉厚。之后薯仔沙律看似普通，但混合左几种材料，加埋好夹，好好味。盐烧三文鱼駮烧得甘香而且油脂丰富，送酒一流。食完小食，当然要叫返餐厅主打既串扬试下啦。我地叫左炸泡菜豚足& 炸鹌鹑蛋。最后叫左关东煮，可自选5款，我地拣左蒟蒻、日本蛋、牛肋肉 年糕福袋、男爵马铃薯。整体上几入味，而且热辣辣，亦都几多选择，令我谂起去日本一定会食。