影片
更多
2022-04-04
2672 浏览
#throwback 记得封晚市堂食嘅前夕，我已经book定咗几间餐厅，势必要尽情食食食！😈 而其中一间就系「和牛焼肉纯」啦～ 「和牛焼肉纯」系JA全农集团旗下，由日本多个县市直送和牛，全部和牛均为顶级A4/A5和牛，餐厅嘅牛肉料理有烧肉料理、釜饭、日式涮涮锅、寿喜烧等。呢间我之前食过，印象中质素唔错，只系有啲啲贵🤭 特别日子有设最低消费💰呢次因为迟咗book，所以无得坐包厢😕 包厢有趟门，私人度较高，不过唔紧要，我同条佬被安排坐4人座位，座位宽敞舒适，唔会坐到好逼！❤️ 飞驒牛朴叶味噌烧 $380飞驒牛朴叶味噌烧系高山名物，系将味噌、飞驒牛与配菜一齐放上朴叶上火炙，目的系取朴叶其独特香味！造型上同Menu有啲出入，无用迷你炉端烧炭炉呈上，而系将朴叶同其他材料一并放喺碟上，硬系觉得打卡无咁靓😂 飞驒牛有四小片，油花丰富，呈粉红色，有好靓嘅霜降雪花纹😍 肉质非常柔嫩细腻，丰厚嘅油脂足以达到入口即溶嘅境界。可惜嘅系味噌嘅量太多，食起上嚟都几咸，甚至盖过咗牛味😗 性价比唔算高～❤️ 特选日本产和牛肉眼&高级烧肉拼盘 $980呢个拼盘应该系呢间店最抵食嘅拼盘，两个人食一定够饱！呢个拼盘有特选日本产
呢间我之前食过，印象中质素唔错，只系有啲啲贵🤭 特别日子有设最低消费💰呢次因为迟咗book，所以无得坐包厢😕 包厢有趟门，私人度较高，不过唔紧要，我同条佬被安排坐4人座位，座位宽敞舒适，唔会坐到好逼！❤️ 飞驒牛朴叶味噌烧 $380
飞驒牛朴叶味噌烧系高山名物，系将味噌、飞驒牛与配菜一齐放上朴叶上火炙，目的系取朴叶其独特香味！造型上同Menu有啲出入，无用迷你炉端烧炭炉呈上，而系将朴叶同其他材料一并放喺碟上，硬系觉得打卡无咁靓😂 飞驒牛有四小片，油花丰富，呈粉红色，有好靓嘅霜降雪花纹😍 肉质非常柔嫩细腻，丰厚嘅油脂足以达到入口即溶嘅境界。可惜嘅系味噌嘅量太多，食起上嚟都几咸，甚至盖过咗牛味😗 性价比唔算高～
❤️ 特选日本产和牛肉眼&高级烧肉拼盘 $980
呢个拼盘应该系呢间店最抵食嘅拼盘，两个人食一定够饱！呢个拼盘有特选日本产和牛肉眼、日本产和牛上牛排肉、日本产和牛牛排肉、壶渍牛胸外腹、牛舌及少量蔬菜💁🏻♀️
☞︎ 和牛肉眼好大片！已经切片，烧起上嚟更方便😎 口感软腍，肉味丰腴，肉质肥美嫩滑。
☞︎ 和牛上牛排肉颜色较深，纹理均匀，有少少嚼劲。
☞︎ 和牛牛排肉油脂丰富，油润感好重，脂香四溢！
☞︎ 牛舌系薄切，够爽弹，烧到少少脆边更加正！
☞︎ 壶渍牛胸外腹腌到好入味，好厚一条肉，要用铰剪剪成一细细嚿，肉质实正得多有口感，烧耐少少好香口！壶内仲有唔少蔬菜添！所有和牛都好新鲜鲜嫩，可以一次过食到唔同不同口感！只系食到最后觉得好腻😂🤭
餐厅推荐度：⭐️⭐️⭐️⭐️(4/5)
和牛质素确系唔错，坐得又舒服，店员都几有礼貌，下次应该会过嚟食lunch，感觉lunch会抵食啲😝 今次都好满足，有种去咗日本嘅感觉，嚟庆祝确系一流👏🏻
补返Menu先👇🏻
张贴
