影片
更多
2023-12-12
58 浏览
日本厨师发板食得多，秘鲁菜仲未食过，两样夹埋一齐FUSION 更加未听过，位于中环摆花街，位置同门面都带点神秘感，单睇地址以为地舖好易见到，但原来需要行上一条小楼梯，门口紧闭需要用力一点推开一度厚门才可进入，当一推开门好似进入另一世界，临近圣诞餐厅都布置得好有气氛，先穿过一个小酒吧区，然后进入用餐区，接待员同侍应每个都好有礼貌同笑容，每上一道菜都细心介绍，仲会温馨提示特别位叫我地留意，的确有点玩味同有惊喜既。当晚只系星期四，除了全满之外仲可以不停回枱，听经理讲一晚有时可以做三转客。可能气氛都几好，全晚唱左三次生日歌，因为员工会捧上甜品同寿星祝贺，虽然重复地唱, 但佢地带动得气氛好好，不自觉都唱埋一份仲拍手欢呼，另有一枱十几人既聚会，有D食完晚餐就到另一边酒吧区继续联谊，如果钟意热闹真系一个不错既撰择。其实睇完MENU都唔系好识拣，有厨师发板就最好不过，今次拣左个New Collection: Intoxicating - Please Chef Feed Me $540一位，九道菜CP值都几高👍La Causa ($150): 天妇罗虾配微辣酱, 开胃小食Ceviche Aromati
当晚只系星期四，除了全满之外仲可以不停回枱，听经理讲一晚有时可以做三转客。可能气氛都几好，全晚唱左三次生日歌，因为员工会捧上甜品同寿星祝贺，虽然重复地唱, 但佢地带动得气氛好好，不自觉都唱埋一份仲拍手欢呼，另有一枱十几人既聚会，有D食完晚餐就到另一边酒吧区继续联谊，如果钟意热闹真系一个不错既撰择。
其实睇完MENU都唔系好识拣，有厨师发板就最好不过，今次拣左个New Collection: Intoxicating - Please Chef Feed Me $540一位，九道菜CP值都几高👍
La Causa ($150): 天妇罗虾配微辣酱, 开胃小食
Ceviche Aromatico ($175): 份量十足既鲈鱼刺身沙律配酸味汁，上枱时喷上柠檬叶水，成个感觉好泰FEEL，都系一道醒胃菜
H&M2 ($180): 油甘鱼&吞拿鱼刺身配大葱牛油酱，第一眼觉得无平时日式刺身新鲜既肥美感，但食落又出奇地新鲜仲有鱼油既香味，可能系柑橘柠檬味道提升左鲜味
Eryngii Maki ($110): 寿司卷物有鸡髀菇同牛油果，配香甜既味噌南瓜蓉都特别，同平常点wasabi又另一种风格，味道唔错都几夹
Kushiyaki ($115): 烤翠玉瓜茄子串，下面是腌车厘茄同茄酱，侍应会先摏烂蕃茄再蘸来吃，酸度十足解腻感
Picanh Mis Tres ($190): 牛冧扒串烧油份唔重但又好香肉味，而且非常软淋
Yaki Nasu ($140): 茄子舖上辣椒酱、芝士、芫荽、粟米粒等，再加上微辣汁来烧好野味，将清淡茄子肉增加左层次感
God Package ($350): 呢个系我最钟意既，荷叶包住鳕鱼扒、鹰嘴豆蓉同腌洋葱来焗，除左有叶香，肉质鲜嫩，酱汁仲有少少花生味，增加香味仲有口感
Lolita ($100): 抹茶蛋糕加雪糕同脆片，唔太甜刚刚好
除左开左支白酒，经理仲介绍左一杯COCKTAIL - Smoking Gun，送上小箱仔时已觉得好靓，一打开就来Smoking意境，先闻到清新既橙香，再配较重身既酒， 好似有种援冲感
5 浏览
0 赞好
0 留言
张贴
