影片
更多
2019-08-15
875 浏览
今日同老婆庆祝生日，当然系食乜由佢话事。所以就嚟咗佢话食过咁多间日本矶烧水产当中最好食嘅〈焱丸水产〉作为庆祝开饭之选。第一次嚟〈焱丸〉，店内嘅装修同气氛都好有日式居酒屋嘅风格。店内挂满晒好有日本特色嘅染布做装饰，每台上面仲有一个小小嘅矶烧炉，未开始食都已经觉得风味感十足。🇯🇵先嚟一个海鲜沙律，上面铺满咗各式各类大大粒嘅鱼生粒，绝对唔系其他铺头咁样将啲切净嘅鱼生头头尾尾攞出嚟又当一个菜。是日新鲜推介有池鱼，成条有头有尾咁切出来都只系$188，仲可以两食，真系好抵！！刺身大大片好厚肉，唔使点酱油都好鲜甜。厨师大哥仲将骨位边买𠮶啲肉都刮埋出来加上葱粒和芝麻粒等等作调味后俾我哋包紫菜食埋佢，真系所有肉都俾晒我哋，好老实。平时食开寿司都系粉粉分明的，今次呢个〈焱丸号寿司〉真系令我大开眼界！！啲料多到满泻晒出嚟喇！！！有海胆，带子沙律，吞拿鱼蓉同蟹柳沙律四款口味。超欣赏佢嘅海胆，劲鲜甜甘美，一啲都唔腥，质地仲好creamy！！唔怪得老婆话佢次次嚟到都会食海胆。其实老婆点都话要嚟呢间食嘅原因，我相信绝大部分都系因为呢个〈蟹味噌甲罗烧〉！！因为佢之前次次同班姊妹嚟都起码一定一人一只。之前去放题店食过
第一次嚟〈焱丸〉，店内嘅装修同气氛都好有日式居酒屋嘅风格。
店内挂满晒好有日本特色嘅染布做装饰，每台上面仲有一个小小嘅矶烧炉，未开始食都已经觉得风味感十足。🇯🇵
先嚟一个海鲜沙律，上面铺满咗各式各类大大粒嘅鱼生粒，绝对唔系其他铺头咁样将啲切净嘅鱼生头头尾尾攞出嚟又当一个菜。
是日新鲜推介有池鱼，成条有头有尾咁切出来都只系$188，仲可以两食，真系好抵！！
刺身大大片好厚肉，唔使点酱油都好鲜甜。厨师大哥仲将骨位边买𠮶啲肉都刮埋出来加上葱粒和芝麻粒等等作调味后俾我哋包紫菜食埋佢，真系所有肉都俾晒我哋，好老实。
平时食开寿司都系粉粉分明的，今次呢个〈焱丸号寿司〉真系令我大开眼界！！
啲料多到满泻晒出嚟喇！！！
有海胆，带子沙律，吞拿鱼蓉同蟹柳沙律四款口味。超欣赏佢嘅海胆，劲鲜甜甘美，一啲都唔腥，质地仲好creamy！！唔怪得老婆话佢次次嚟到都会食海胆。
其实老婆点都话要嚟呢间食嘅原因，我相信绝大部分都系因为呢个〈蟹味噌甲罗烧〉！！
因为佢之前次次同班姊妹嚟都起码一定一人一只。
之前去放题店食过矶烧。全部都要自己亲力亲为，正想我大显身手之际，竟然原来系有店员帮手烧嘅？？！！
我哋边食住其它食物边倾偈之际，店员已经好专业地帮我哋烧到个甲罗烧香喷喷。
趁佢仲热辣辣嘅时候即刻食，每一啖都有著蟹膏独有嘅甘味香甜，祇有一个〈鲜〉字能应用。在此刻我就看见老婆唔系咁轻易流露出嘅〈好味道飘飘然样〉🤣
身为食肉兽嘅我当然要叫返个牛肉锅先安乐。
喺清甜既汤底衬托之下，更能突显出牛肉本身自己嘅甘香浓牛味。块牛肉本身滑得呢又不失咬口，再加埋新鲜嘅蔬菜一齐煮，连蔬菜都吸收埋牛嘅精华，享受~
不要忘记窝中Q弹嘅薯粉都吸满食牛肉同蔬菜嘅精华，绝对不能错过。
最后老婆仲贪口爽话要叫个牛油粟米😂
差啲唔记得，头先仲叫咗杯巨峰提子乳酸，有著浓浓嘅巨峰提子酒香，头先一边食住牛肉锅一路饮，真系好爽~~
连埋老婆杯嘢饮，埋单唔使$900，食到咁多咁高质素嘅水产海鲜，超值。
张贴
