宏 (已結業)

朋友介绍话呢度啲抹茶蛋卷好出色，本来系行来谂住买外卖返屋企食，点知见到佢里面其他啲甜品都好吸引，所以我哋就决定入咗去食。我哋叫咗个抹茶蛋卷，跟住仲叫咗个黑芝麻蛋卷，啲蛋卷果然好好味，啲蛋糕好松软，里面啲cream好creamy而且个蛋糕唔会太甜，果然好介绍。我本来专登嚟食个蛋卷，点知见到佢其他啲甜品真系好吸引，忍唔住叫咗个草莓班戟，都等咗成20分钟，以为佢漏咗单，想催佢嘅时候点知就嚟喇，发现原来佢个草莓班戟系即叫即做嘅，个班戟热辣辣 ，配埋个云呢拿雪糕球简直系绝配，啲士多啤梨话系日本直送嘅，好甜好香士多啤梨香味，个班戟好香里面啲牛油香味好浓郁，配埋个云呢拿雪糕简直系一流，个云呢拿雪糕唔会太甜而且云呢拿味很好 浓郁。而且呢间餐厅都好体贴，仲配有儿童餐㖭！我朋友有个小朋友，果然唔少得要叫一份畀佢食啦！个饭仲系有车仔图案，小朋友食得好开心。