天浮橋拉麵 (已結業)

约咗朋友去元朗食饭，事前冇谂定食咩🤪谂住周围行吓揾好西，经巷仔见到呢间拉面店，见装修好有日本街头拉面店嘅风味，就入去试试佢～呢到主打浓厚鸡白汤沾面/拉面，每碗面都配有锦爽鸡腿肉，而唔系平时食拉面嘅叉烧～海老味噌拉面⭐️⭐️⭐️个汤底好重虾味，而味噌味同虾味好夹，两种味道都好出，但又唔会互相盖过，平衡得几好👍最紧要唔会饮两啖就口渴，应该做足料整。面嘅质地比较烟韧，但唔系好挂汤，睇个人口味钟唔钟意，我个人就觉得唔一定挂汤就好，要睇下个汤底重唔重口味。盐鸡白汤沾面⭐️⭐️⭐️⭐️呢个沾面嘅汤底浓度啱啱好，鸡汤味好出，面嘅质地比较爽口弹牙，仲食得出有小麦味，我钟意食呢款面多啲两碗面都有几块鸡腿肉，不得不赞佢啲鸡腿肉真系好滑，每啖都食到好香嘅黑胡椒味，腌得好入味！好食😋