鬼金棒

营业中

休息中

钟意食拉面嘅人一定识呢间麻辣味噌拉面，我都已经encore过好多次。朋友食辣之人，次次都要点鬼辣拉面。我食唔到太辣，每次都点返小辣小麻。返嚟咁多次个质素都keep到，水准稳定。讲返味道先，浓浓嘅味噌汤底加上少少麻辣，十分过瘾。味玉系日本蛋，咬开蛋黄流心，配拉面必配。面质算系软硬适中。叉烧选用五花腩，肥瘦一层层，肉质松软，油脂烧过后更香更惹味。朋友食嘅鬼辣加麻，佢就话够辣满足到佢挑战食辣嘅欲望。呢碗会配埋鬼辣糖，之后就可以解辣。份量嚟讲就好足，中午嚟食男士都觉得好够饱。