丸目背脂煮干

营业中

休息中

今日系旺角嚟咗试呢间日本过江龙 铺头环境好光猛而且仲播埋日文歌 感觉好似置身系日本咁特制背脂煮干-汤拉面我谂唔少人都同我一样唔系好知咩系背脂煮干 原来系指以猪背脂油「背脂」同沙甸鱼干熬出「煮干」去做汤底 难怪汤底系好浓厚 饮落有阵油脂香味但唔会觉得肥腻 呢款嘅面条会较粗身 面质比较有嚼劲 仲有溏心蛋 慢煮豚肩 炙烧豚腩 生洋葱 木耳 紫菜同青葱海老辛酱背脂煮干-汤拉面 (小辛)朋友想食辣就叫咗呢款海老辛酱 入口有虾嘅鲜味同时带点辛辣 两碗嘅配料都系一样 豚肩肉质较嫩 豚腩就会肥美d 有入口即溶嘅感觉饮品方面叫咗乌龙茶同静冈蜜瓜梳打 本身好惊系好假嘅药水味 但饮落去系香甜嘅蜜瓜味 梳打够哂气!