山本屋 (圍方)

营业中

休息中

去过两次围方，都有行晒所有餐厅，睇下边间吸引。次次行过山本屋，都有超过二十人排队，所以谂住点都要试一次。排紧队，会有水提供，同埋点餐纸拣定食物，入去之前就要决定好。要拣既野唔多，主要系拣肉頪，汤底，小食。汤底就系精华，有3款，老店传统味噌，黄金鲣鱼清汤，招牌咖哩。乌冬用砂锅盛着，保持温度；如果乌冬口感要腍啲，可以等多一阵，再开盖食。- 亲子煮乌冬 * 黄金鲣鱼清汤呢款汤底比较清淡，唔会太咸，有好香既鱼味。亲子煮，即系鸡，鸡蛋，加上其他配菜，同埋鱼汤一齐食，整体都好好食。- 美国安格斯牛肉煮乌冬 * 老店传统味噌味噌汤底，系传统口味，味道比较香浓，所以只喝汤，会偏咸，一定要配合乌冬食。安格斯牛肉，啱啱熟，好重牛味。- 日式炸豆腐卖相，味道都系一般，可以拣其他小食。- 天妇罗拼盘天妇罗有5件，包括2件炸虾、1件炸菇、1件炸南瓜、1件炸蕃薯。食落唔会好多粉，又唔太油腻。整体而言，水准都好好，不过可能排咗好耐队，结果期望太大，所以有点失落。