日本野 (已結業)

打卡近排好hit嘅日本野。想食最好book定位先，唔系七点去到要等位。夜晚都有dinner set，选择都几多，有定食同丼饭，仲有鱼生饭。我哋拣咗照烧鸡扒同石烧牛定食，包沙律、汤、嘢饮，同埋温泉蛋或者流心蛋，仲可以加小食，有我最爱嘅日本芝士同埋玉子鳗鱼烧🤩鸡扒好大块，烧得几香，冇点落调味料，主要靠照烧汁提味。饭嘅份量好多，我倒只蛋落去，再加啲烧汁，捞匀食已经觉得好味。石烧牛可以拣吉列或者普通版，我哋怕热气所以拣咗普通版嘅，不过上嚟之后有啲后悔啦，好似人哋嘅吉列吸引啲🤣牛唔会好肥亦都唔会好韧，唔会好厚，烧一阵就食得。反而小食有惊喜，玉子鳗鱼烧同日本芝士都好味😋一定一定要加小食呀🤣