影片
更多
2011-04-22
80 浏览
唔知道有冇人发现, 自从日本地震过后, 就好似少咗好多人食日本嘢.我自己系唔系话好钟意食日本嘢嘅人, 所以都"避都就避"但系琴日因为妈咪家姐想食日本嘢, 所以考虑食和民定千両好最后由家姐拍板去千両去到唔洗等位, 门口嘅侍应姐姐笑容好好, 问完我哋几多位之后就带我哋入去坐卡位我钟意佢啲卡位都可以拎到回转𠮶啲食物, 而且几阔, 坐得好舒服千両亦系我唯一会系回转带上拎食物嘅连锁寿司店, 皆因佢哋用料新鲜, 唔会好似摆咗好耐, 鱼生嘅颜色仲系鲜艳嘅唯一唔好拎嘅系豆腐, 因为佢啲芝麻酱系室温熔化, 变到水汪汪我地去到已经一点有多, 店里面都坐咗一半, 情况唔系我想像中咁差我多数见啲人叫午市定食, 但系我好唔钟意饮miso soup,偏偏个个餐都有...所以我哋好随意咁拣咗啲嘢, 其他就打算就咁系回转带度拎.帮我哋落单嘅侍应哥哥就目无表情, 好似好累咁三文鱼寿司: 属于薄嘅三文鱼, 系室温嘅温度, 唔会有雪住嘅感觉鱼块有淡淡嘅油脂, 我系唔用豉油食鱼生嘅人都唔觉腥, 所以再encore咗一碟玉子烧: 系回转带度拎嘅. 蛋外内都有少少油, 但系唔系过油个只, 恰到好处最欣赏系中间夹住啲饭, 口感更加
唔知道有冇人发现, 自从日本地震过后, 就好似少咗好多人食日本嘢.我自己系唔系话好钟意食日本嘢嘅人, 所以都"避都就避"
但系琴日因为妈咪家姐想食日本嘢, 所以考虑食和民定千両好
最后由家姐拍板去千両
去到唔洗等位, 门口嘅侍应姐姐笑容好好, 问完我哋几多位之后就带我哋入去坐卡位
我钟意佢啲卡位都可以拎到回转𠮶啲食物, 而且几阔, 坐得好舒服
千両亦系我唯一会系回转带上拎食物嘅连锁寿司店,
皆因佢哋用料新鲜, 唔会好似摆咗好耐, 鱼生嘅颜色仲系鲜艳嘅
唯一唔好拎嘅系豆腐, 因为佢啲芝麻酱系室温熔化, 变到水汪汪
我地去到已经一点有多, 店里面都坐咗一半, 情况唔系我想像中咁差
我多数见啲人叫午市定食, 但系我好唔钟意饮miso soup,偏偏个个餐都有...
所以我哋好随意咁拣咗啲嘢, 其他就打算就咁系回转带度拎.
帮我哋落单嘅侍应哥哥就目无表情, 好似好累咁
三文鱼寿司: 属于薄嘅三文鱼, 系室温嘅温度, 唔会有雪住嘅感觉鱼块有淡淡嘅油脂, 我系唔用豉油食鱼生嘅人都唔觉腥, 所以再encore咗一碟
玉子烧: 系回转带度拎嘅. 蛋外内都有少少油, 但系唔系过油个只, 恰到好处最欣赏系中间夹住啲饭, 口感更加丰富
加州手卷: 牛油果孰度适中, 唔硬亦冇熟过头变软鱼子嘅质感, 加上青瓜嘅清爽, 微甜嘅蟹肉,牛油果嘅厚重, 就有一种好满足嘅味道
特选吞拿鱼:妈咪嘅必叫款式. 鱼外嘅一层淡淡嘅油脂, 同冇根一咬就断嘅吞拿鱼肉, 就成为咗呢个味道清淡嘅特选吞拿鱼, 但我觉得$40一件系唔值的, 妈咪就觉得好值
日式蒸蛋: 唔易失手嘅稳阵之选. 有冬菇, 蟹肉....(唔记得)蛋系几滑, 冇过多水嘅现象
千両寿司: $40一件. 之前都已经试过好多次, 又系妈咪嘅必叫之一寿司系吞拿鱼绞碎咗咁系底, 加上海胆同鱼子系面头, 再放上撒上芝麻粒嘅洋葱
我最欣赏店方聪明地系寿司上加上撒上芝麻粒嘅洋葱, 中和咗寿司厚重嘅味道
令味雷有唔同嘅感觉, 芝麻粒好香脆
炙烧三文鱼腩:系我哋亦系好多人必叫之一. 但我觉得今次失准了炙烧得唔够, 并冇𠮶种"火"味, 鱼味亦欠奉
唔记得个名. 普普通通, 冇特别
厚烧甜蛋: 之前系圆方度见到师傅整同试过后, 就爱上咗千両嘅厚烧甜蛋可惜今次油分太多, 太过油腻, 亦食唔出蛋味
总括黎讲都唔错嘅, 讲真, 我真系未食过难食嘅日本嘢
张贴
