德美壽司

营业中

休息中

朋友系大埔住，推介左一间餐厅比我。一开始睇出面既装修以为系酒吧，但原来系一间日本餐厅。食完之后，我比较推荐食鱼生，佢既鱼生系超级新鲜，入口即融。天妇罗乌冬佢有四种天妇罗，有冬菇﹑虾﹑蕃薯﹑南瓜。我最爱系佢既南瓜，因为咬落D南瓜好甜﹑好冧同埋仍然系好湿润。唔会话炸到好干好硬。而乌冬就系甜甜地既昆布汤，配埋佢栗米同昆布真系好正宗既味道。寿司大盛佢大约有10旧鱼生寿司同3件小卷。我觉得佢既三文鱼﹑吞拿鱼同油金鱼真系好新鲜，同入口即融。佢饭既软硬程度合到好处，同埋即使我将寿司咬断一半，佢完全冇散开，可见师傅的功力十足。和牛寿喜烧㶽可以因应自己的喜好去调教牛既生熟度，而我最钟意尼个㶽既地方系因为佢有好多唔同既菜，D菜吸收晒牛肉同汤既精华。